【支聯案聆訊】旁聽市民拒配合無厘頭搜查 陳劍琴質疑警方標準飄忽：憑咩要我自己設限？】
- 8月28日
- 讀畢需時 2 分鐘
支聯會案今日於西九龍裁判法院續審，場外警方實施隨機搜袋，先前更有市民被沒收鑰匙扣等個人物品。旁聽市民陳劍琴今日如常到場排隊，面對當局指引模糊且執法標準飄忽的安排，她直言不會配合進行無謂的自我審查。
陳劍琴透露，上次前來旁聽時曾被搜查並沒收掛在背包上的鑰匙扣，但今次出門依然「原封不動」孭同一個袋。被問到會否擔心再被刁難，她表示：「我平時孭開咩袋出街，就係咁樣生活。我唔想因為佢無啦啦加咗啲我唔知嘅措施，就自己去設限制、自我審查『究竟我身上有啲咩特別唔得』，咁其實我出唔到街㗎嘛！」
對於警方沒收物品的法律依據與標準，陳女士指出當局至今從未明確公告：「如果佢明確講咗『以後某啲扣唔帶得進法院範圍』，咁我明白知囉。但佢又冇講，咁我憑咩要自己限制自己？」她質疑當局在完全沒有合法合理的解釋下，要求市民自行猜測執法底線，實屬荒謬。
另外，陳劍琴今日比以往較遲到達法院。她直言除了時間安排，亦特別想測試當局的執法邏輯：「上次觀察到，佢哋所謂嘅搜身搜袋措施，原來只係某部分時段做喎！」她表示，今日特意換個時段前來，正是想親身驗證當局執法過程中的「一致性」與標準何在。
警方執法標準忽左忽右、隨時轉變，市民唯有以平常生活態度應對。陳女士的質疑，直接揭露了當局所謂保安措施的隨意與不透明。
留言