【太子831七週年｜搜身後突被警警告勿害國安 李盈姿反問：我做咗乜？】
- 5天前
- 讀畢需時 1 分鐘
831 太子站事件七週年今夜（31日）續有警力喺港鐵站出口一帶巡邏。相比往年攜花即被趕離甚至拘捕嘅嚴密封鎖，現場氣氛稍微緩和，市民亦得以進行悼念，但警方嘅截查行動仍未間斷。
市民李盈姿今晚喺太子站外受訪時透露，剛行經附近便遭數名警員截停查身分證兼搜身。縱使過程完全合作，警員喺完成搜查程序後，仍按指引發出警告，指若做出擾亂秩序或危害國安行為將會被捕。面對毫無徵兆嘅警告，李盈姿當場反問：「吓，危害國家安全？我好怕我做咗我都唔知呀，你講俾我聽我做咗乜嘢？」未料話音剛落，該名警員便被上司同僚一把拉走，未有提供任何具體說明。
對於這套搜查完畢隨即警告嘅執法程序，李盈姿指警方顯然接獲硬性指令，無論對方是否普通平民均照本宣科，令整件事顯得極其荒謬，直言「搜完身就要講，其實變相成為一個笑話」。
留言