【西九龍法院外市民提前兩晚排隊 鄧先生持《胡耀邦》諷審訊拖足五年】
- 8月27日
- 讀畢需時 1 分鐘
支聯會案宣判在即，前常委鄧先生星期二下晝兩點幾已到西九龍裁判法院外排隊。佢發現現場「冇人」，怕旁聽飛被佔，唯有提前留守兩夜。鄧先生展示《胡耀邦：從國共內戰到天安門事件》一書，大讚胡生當年「為一啲冤假錯案平反」；反觀本案由2021年「拖咗五年」到2026年先裁決，直言「喺度我都覺得係不合理嘅」。他強調會「留埋喺度過埋夜」親身見證。
前常委鄧先生星期二下晝兩點幾抵達現場，本想了解排隊情況，點知發覺「原來佢哋係冇人嘅喎」。佢笑言擔心名額被佔，唯有「迫於無奈」即時打頭陣留守，一守就係兩晚。直到星期四朝早十一點，其他排隊人士先陸續現身。
採訪期間，鄧先生特別展示隨身帶備嘅《胡耀邦：從國共內戰到天安門事件》一書。佢指出，89民運源於1989年「胡耀邦先生嘅一個逝世」，而胡生喺70至80年代最令人敬佩嘅，就係「好刻意要即係為一啲冤假錯案呢係平反嘅」。鄧先生諷刺道，支聯會幾十年嚟幫六四受害學生同天安門母親「討回一個公道」，精神與當年平反冤案無異；反觀本案由2021年9月拘捕至今，「呢個案件呢拖咗五年，終於嚟到依家2026年嘅8月21號呢先至裁決」，直言「喺度我都覺得係不合理嘅」。
鄧先生表示，既然已經留守兩夜，「不如留到聽日啦，咁所以就會留埋喺度過埋夜嘅」，希望以普通市民身份親身旁聽，見證呢場歷時數年嘅審訊結局。
留言